«Абилимпикс» калыкле чемпионатын ойырен налме йыжыҥже тӱҥалын
Марий Элыште инвалид да начар тазалыкан еҥ- влакын профессионал мастарлыкышт шотышто «Абилимпикс» калыкле чемпионатын ойырен налме йыжыҥже тӱҥалын. Таҥасымашке 28 еҥ ушнен. Нунын коклаште школышто тунемше, студент да специалист- влак улыт. Нуно шке моштымашыштым 21 компетенцийыште ончыктышаш улыт. Эн шуко участник «Крючок дене пидмаш» да «Экономике ден бухгалтер учет» номинацийыште улыт: куд да шым еҥ. Таҥасымаш очно да дистанций формат дене эрта, 30-шо сентябрьыште мучашлалтеш. «Абилимпикс» чемпионатын лектышыже очный йыжыҥ деч вара октябрь мучашыште Москошто пале лиеш,- увертара туныктыш министерстве.
Фото: АНО «Россия — страна возможностей» (архив)
Фото: АНО «Россия — страна возможностей» (архив)
