«Шарнымаш сорта» тений онлайн йӧн дене эрта
22-шо июнь- Шарнымаш да ойганымаш кечылан пӧлеклалтше поро йӱлаш савырныше Россий кӱкшытан «Шарнымаш сорта» калыкле акций тений онлайн йӧн дене эрта да кугу Ачамланде сарын ветеранже- влаклан полшаш оксам чумыра. Тиде кечын кажне ийын Элым аралышыла вуйым пыштыше- влакым ушештарыше «Шарнымаш сорта» тымык йӱдым чӱкталтеш. Тений кажне еҥ деньпамяти.рф сайтыште 15-ше гыч 22-шо июнь марте сортам онлайн чӱктен кертеш. Кажне виртуал сорта- тиде ветеран- влаклан медицина полышым пуаш ик теҥге окса. 22-шо июньышто, шарныме да ойганыме кечын, 12 шагатат 15 минутышто Россий мучко ик тат шып шогымаш эрта. Тушко телеканал да радиостанций- влак, тӱрлӧ организаций да компаний, элысе кажне еҥ ушна. Шып шогымашым Совет жапын да Российын теле-радиовӱдышыжӧ, Центральный телевиденийын дикторжо, СССР-ын калык артистше Игорь Кириллов вӱда.
