Шернурышто Герой- влакым шарнат
Шернур районышто Совет Ушемын Геройжо Андрей Яналовлан мемориал оҥам торжественно почмо. «Историй шарнымаш» проект почеш, кугу Сеҥымашлан 75 ий темме лӱмеш республикыштына герой-землякна- влаклан чылаже 20 мемориал оҥам вераҥдыме лиеш. Иктыжым Геройын лӱмжым нумалше уремыште почмо. Шернурышто эше Кузьма Новосёловлан, Иван Отмаховлан да Михаил Онучинлан тыгай шарныктышым ыштышаш улыт.
