Шахматист Сергей Карякин Марий Элын наградыж дене палемдалтын
Марий Элым вуйлатыше Александр Евстифеев шахматист, гроссмейстер Сергей Карякиным «Марий Эл ончылно надырлан» орденын медальже дене наградитлыме нерген Указым пеҥгыдемден. Тушто возымо: Марий Элыште спортым вияҥдыме да шарен колтымылан, чолга мер пашам шуктымылан орденын медальжым пуаш ыштыме. Сергей Карякинын шахмат школжо Йошкар-Олаште 2018-ше ий октябрь гыч пашам ышта. Тудо вияҥын толеш, а тушто тунемше- влак сай лектышым ончыктат.
