Чодыра тулым йӧртышӧ- влакым саламленыт
Республикыштына тулым йӧртымаште тыршыше МЧС-ын сотрудникше- влаклан наградым кучыктеныт. Республикысе МЧС тӱҥ виктемын актовый залыштыже кугу чодыра пожарым йӧртымаште тыршыше- влакым чапландареныт. Церемонийыште тӱн федерал инспектор Павел Волков лийын. Ойыртемалтше сотрудник- влаклан Российын кугыжаныш наградыжым кучыктымо- «Отечество ончылно надырлан» орденын кокымшо степенян медальжым МЧС виктем вуйлатышын алмаштышыже Владимир Загайнов, МЧС виктемын ГИМС рӱдержын пӧлкажым вуйлатыше Александр Крикунов налыныт. Тиддеч посна полномочный представительын да тӱҥ федерал инспекторын тауштымашан серышыштым кучыктымо. МЧС виктем вуйлатышын сомылжым шуктышо, полковник Алексей Сабадырёв ведомствын пашаеҥже- влаклан медальым, знакым, чап грамотым кучыктен. Тыгак Россий МЧС министрын черетан званийым пуымшо шотышто приказше- влак дене палдарыме.
МЧС виктемын фотожо.
МЧС виктемын фотожо.
