Кодшо ийын шуко пачеран 29 пӧртым чоҥен шуктымо

Маристат 2019-ше ийыште Йошкар-Оласе чоҥымо отрасльын пашажым иктешлен. Шуко пачеран пӧрт- влакым «Мирный», «Фестивальный», «Молодёжный», «Спортивный» микрорайонлаште, Йыван Кырла уремыште да Семёновка селаште чоҥымо. Чылаже 221 тӱжем квадрат метр илыме верым ыштыме. Тидыже республике мучко чоҥмо деч пелыже утла лиеш. Чоҥышо- влак 29 шуко пачеран пӧртым сдатленыт але кум тӱжемат 408 пачерым. Шке пӧртым чоҥышо- влак 260 илыме верым нӧлтеныт. Нунын кумдыкышт 34 тӱжем квадрат метрыш шуын. Пачерын ик квадрат метр кумдыкшо 34 тӱжемат 400 теҥге лийын.

Прошлые выпуски