Эртыше ийын республикысе Ай-Ти компаний- влакын парышышт куд миллиард теҥгем эртен
Эртыше ийын республикысе Ай-Ти компаний- влакын парышышт куд миллиард теҥгем эртен. Йошкар-Олам кызыт Российысе вияҥ толшо Ай-Ти ола манаш лиеш. Тыште 130 утла Ай-Ти компаний пашам ышта. Тушечын кумытшо «Россия» Тӱнямбал выставке-форумышто республикын лӱмжӧ дене шкенжым ончыктен. Тиде Айсприҥ, ТревелЛайн, «Цифран технологий- влак». Сеҥымаш, план, ончыкылык нерген Правительстве вуйлатышын алмаштышыже Дмитрий Троицкий каласкален. Тудын мутшо почеш Марий Элыште ойыртемалтше АйТи продукт- влак ышталтыт. Нуно Российыште гына огыл, йот эллаштат йодмаш дене пайдаланат. Мемнан компаний- влак касвел элласе рынкын пале ужашыжым айленыт, кызыт Кечывалвел- Эрвел Азий кугыжанышлаште шкеныштым ончыктат. Марий Элыште Ай-Ти отрасльыште кадр ситыдымаш уке манаш лиеш. Тидыже увер технологий сферым вияҥдымылан кӧра ышталтеш. Республике щке опытшым моло кундемлашкат шараш, специалистым туныкташ ямде,- каласен Дмитрий Троицкий. Республикын Ай-Ти сферыште опытшо, ойыртемалтше разработкыжо, цифран сервисше- влак выставкыш мийыше- влакым кугун кумылаҥденыт
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
