Марий Элым вуйлатыше Силикатный посёлкышто у врач амбулаторийым ончен лектын

Марий Элым вуйлатыше Силикатный посёлкышто у врач амбулаторийым ончен лектын
           Марий Элым вуйлатыше Юрий Зайцев паша дене Медведево районыш мийымыже годым Силикатный посёлкышто у врач амбулаторийым ончен лектын. Объектым 2023-шо ий мучашыште «Тазалыкаралтышын первичный звеножым уэмдымаш» регионысо проект кышкарыште чоҥымо. Тушто терапевт, педиатр, гинеколог калыкым вашлияш тӱҥалыт. У тӧнежыште процедурный, прививка кабинет, регистратура уло. У зданийым чоҥымаш икымше медико-санитар полышым пуаш чапле йӧным ыштен. Тыштак профилактике тергымашым, диспансеризацийым, йочам да мӱшкыран ӱдырамаш- влакым эскераш тӱналыт. Амбулаторийыште тӱжемат 744 еҥым ончат. Сандене кӱлешлыкше пеш шижалтеш. Ончычсо тӧнежше кодшо курымысо 50-ше ийлаште ыштыме улмаш да йӧршын шолдырген. Сандене уым чоҥаш кутырен келшыме. Амбулаторий тӱрлӧ тергымашлан келыштаралтын. Райрӱдӧ гычат врач – влак толын, калыкым келгынрак ончен каят. Мом ужмо мылам пеш келшыш, оборудованийым гына кум миллион теҥгелан налме. Калыклан мо кӱлешыже чыла уло,- каласен Юрий Зайцев.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски