Республикыштына тӱзландарыме тӱшка кумдык- влак эше шукырак лийыт

Республикыштына тӱзландарыме тӱшка кумдык- влак эше шукырак лийыт
            Республикыштына тӱзландарыме тӱшка кумдык- влак эше шукырак лийыт. «Оласе йӧнан кумдыкым ыштымаш» федерал проект почеш Марий Элыште вич ий жапыште 259 тӱшка кумдыкым тӱзландарыме. Ынде ӱшанен каласаш лиеш: каналтен кошташ да ончен шинчаш йӧнан вер- влак эше шукырак лийыт. Проектым 2030-шо ий марте шуйымо. Тидын нерген Российын Президентше регионласе муниципал образованийлан вуйлатышышт дене вашлиймаште увертарен. Владимир Путинын мутшо почеш проектлан вич миллиард теҥгем ешарен пуаш Правительстве деч йодын. Тиде оксам Тора Эрвелысе регионлам вияҥдаш колтат. Молан манаш гын., верысе калык сай илышым кычалын моло кундемлаш ынже кай манын, тусо йодыш- влакым виктараш кӱлеш. Муниципал вуйлатыше- влакын тӱзландарыме шотышто пашаштым калык ужын шога. Йошкар-Олаште, мутлан, Чавайн бульвар, Сеҥымаш Парк, Павел Глезденёв лӱмеш сквер шинчам куандарат. Кызыт проект почеш тӱзландарыме объект- влак чыла гаяк ола ден районышто улыт.
           Фото: Йошкар-Ола мэрий.

Прошлые выпуски