Идалык мучашлан Звениговышто «Эҥер капка» почылтеш

Идалык мучашлан Звениговышто «Эҥер капка» почылтеш
              Идалык мучашлан Звениговышто «Эҥер капка» почылтеш. Тиде олаште «Звениговын эҥер капкаже: Юлышто причал воктелсе сер» эҥер серын кечывалвел ужашыжым тӱзладарыме проектым шыҥдарат. Тӱзландарыме эн сай проект- влаклан Россий кӱкшытан кудымшо конкурсыштыже объект  сеҥыше лийын.   Тудым илышыш шыҥдараш 70 миллион теҥгем ойырымо. Тиде окса дене серыште йолгорно- влакым олмыктат, урем мебельым шындат, велокорным ыштат, лӱҥгалтышан площадкым тӱзландарат. Мучашлан волгалтарыме у системым пуртат да кушкылым шындат. Кундемым «Маяк» арт-объект сӧрастара. Тудо проектын гына огыл, уло олан визит картычкыже лиеш. Лач тудым эҥер дене толшо уна- влак эн ончыч ужыт. Подряд организаций май кыдалне пашам тӱҥалын. Кызыт тушто пушеҥге- влакым сӱмыреныт,  Площадь могай лийшашым палемденыт, тротуар корным ыштат да воктелсе корным асфальтироватлат, «Маяклан» негызым ямдыленыт. Объектым октябрь мучашлан  пытараш шонат.
          Фото: Марий Элысе чоҥымаш министерстве.

Прошлые выпуски