Марий Элысе медпашаеҥ-влакым Запорожский областьыш пашам ышташ колтат
Марий Элысе медпашаеҥ-влакым Запорожский областьыш пашам ышташ колтат. Республикысе тазалыкаралтыш министрын алмаштышыже Юлина Зейтулаева Марий Элысе делегаций дене пырля шефствыш налме Куйбышевский районыш миен коштын. Тушто верысе калыклан медицине полышым пуымо шотышто йодыш-влакым каҥашеныт. Тиде районышто 16 тӱжем еҥ ила. Тышеч 2 тӱжем утлаже йоча-влак. Тачысе кечылан кугыеҥ-влак коклаште диспансеризаций йодыш пӱсын шога. Сандене Марий Эл гыч тушко медик-влак бригадым чумырат.
