Марий Эл Запорожье областьыш тӱжем утла книгам колтен
Марий Эл Запорожье областьыш тӱжем утла книгам колтен. Республикысе книгагудо- влак тӱжем утла книгам Запорожье областьысе шефыш налме Куйбышев районлан погеныт. Районысо книгагудо- влаклан шеледаш руш классике, йоча литература, совет сылнымут литературым, шанче да популяр теме дене, Кугу Ачамланде сар нерген книгам погеныт, - каласен тӱвыра министр Константин Иванов. Тиде пашашке тӱвыра министерствыш пурышо тӧнеж- влакын книгагудышт, рӱдӧ оласе рӱдӧ книгагудо системын, Сокыр- влаклан, Чавайн лӱмеш книгагудо ушненыт. Тиддеч посна журнал, каталоглан разделитель, лудшо- влакын формулярышт, вкладышышт, каталог карочке, инвентарь книга да молат ятыр погынен. Икымше тӱшка книгам намиен кодымеке, тӱвыра министерствын тӧнежше- влакын книгагудышт вес тӱшка савыктышым погаш тӱҥалыт. Лишыл жапыште Куйбышев районысо библиотекарь- влакын тӱшкашт Йошкар-Олашке опыт дене палыме лияш толеш.
Фото: Марий Эл тӱвыра министерстве.
Фото: Марий Эл тӱвыра министерстве.
