Икымше декабрь гыч Россий мучко илыме вер да коммунал полышлан тариф кугемеш
Икымше декабрь гыч Россий мучко илыме вер да коммунал полышлан тариф кугемеш. Тиде- шокшо, электроэнергийлан, йӱштӧ да шокшо вӱдлан, пеҥгыде коммунал шӱк-куштырам шупшыктымылан ак шергештме нерген ойлалтеш. Ушештарена: ондак акым 2023-шо ийын июльышто кӱзыкташ палемдыме ыле, но экономически вияҥмаш министерстве индексацийым ондакырак эртареш лийын. Ак 9 процент деч шукылан огыл кугемшаш. Газлан 8 процентат пелылан ешаралтеш. Газлан тарифым кугемдымаш инфраструктурым уэмдаш да газификаций программым умбакыже шуяшлан кӱлеш,- умылтара министерстве. А Росводоканалыште ак кугеммашым чоҥымо материаллан, сырьёлан, кӱртньӧ продукцийлан, топливо ден полышлан ак шергештме дене умылтарат.
