Теҥгече сокыр- влакын Тӱнямбал кечышт палемдалте
Теҥгече сокыр- влакын Тӱнямбал кечышт палемдалте. 1745-ше ий 13-шо ноябрьыште Францийыште Валентин Гаюи шочын. Тудо лӱмлӧ туныктышо лийын, Парижыште да Петербургышто сокыр- влаклан икмыняр школ ден предприятийым почын. Лач тудын шочмо кечыжым шотыш налын Сокыр- влакын Тӱнямбал кечыштым пеҥгыдемдыме. Валентин Гаюи туныктымо шке йӧнжым ончыктен, посна шрифтым шочыктен, кагазыште буква- влакым темдал овартен возымо лийын. Тыге сокыр йоча- влакым туныкташ тӱҥалын.1784-ше ийыште школым почын. 1803-шо ийыште Российын императоржо Александр Первый Валентин Гаюилан Санкт-Петербургышто сокыр- влаклан туныктымо да шуарыме заведенийым почаш темлен. 1807-ше ийыште император сокыр пашазе- влак институтын Уставшым, штатшым, бюжетшым пеҥгыдемден. Тиде дате Российыште сокыр йоча- влакым туныткымо икымше школын пашам ышташ тӱҥалме жаплан шотлалтеш. Тыгай книга дене 1829-ше ийыште француз Луи Брайльын рельефно-точечный шрифтым шонен лукмыжо марте туныктеныт. Лач тудо уло тӱня мучко шарлен.
(Фото: Africa Studio, по лицензии Shutterstock.com)
(Фото: Africa Studio, по лицензии Shutterstock.com)
