Калыкле книга- влакын фестивальышт онлайн формат дене лиеш
Эрла да кумышто Сергей Чавайн лӱмеш калыкле книгагудо Юл кундемысе калык- влакын «Пырля лудына!» калыкле книгаштын Регион- влак кокласе кӱкшытан фестивальыштым эртара. Тудо республикылан 100 ий темме кышкарыште эрта. Эпидемиологий лӱдыкшылан кӧра фестивальын мероприятийже- влак книгагудын сайтыштыже онлайн-формат дене эртат. Тидыже моло кундемла гычат ончышо- влакым ушаш йӧным ышта. Фестивальыш Юл кундемысе куд кундем ушна: Марий Эл, Башкортостан, Мордовий, Удмуртий, Татарстан да Чуваший. Фестивальын икымше кечыже Марий Эллан пӧлеклалтеш. Пытартыш жапыште лекше книга- влакын презентацийышт эрта. Кокымшо кечыже Юл кундемысе регион- влак дене кылдалтеш.
