Кевыт вуйлатыше- влакым ола администрацийыш ӱжыныт
Йошкар-Ола администрацийыште ужалкалыше сетьлан еҥышт ден вуйлатышыштым погеныт да воктелсе кундемыштым эрыкташ кӱлмо нерген шижтареныт. Теле деч вара шке да воктелсе кумдыкышто арулыкым ыштыман. Санденак 27-ше март гыч 28-ше апрель марте тӱзландарыме шотышто шошымсо масячник эрта. Кече еда контроль пӧлкан пашаеҥже- влак ятыр нарушенийым фиксироватлат, эше верысе калык увертарен шога. Поснак тӱшкан кочмо верлашке, кевытлашке, быт ослуживаний объектлашке пурымо верыште шуко шӱк-куштыра шулен лектын. Ончылно Кугече, Первомай, Сеҥымаш кече вучат. Сандене воктелсе кундемлам шке пашаеҥ- влак дене эрыктен шындыман, вара арулыкым эскерен шогыман. Тыге пырля гына, олам аруракым да йӧнанракым ыштен кертына,- каласен погынышо- влак ончылно контрль пӧлкам вуйлатыше Сергей Шулаев. Тений тӱшка субботник- влак 14-ше да 28-ше апрельыште эртат. Кумылым нӧлташлан пашам ыштыме жапыште семым чӱкташ да кумылаҥдыше акцийым эртараш палемдыме.
Фото: Ола администраций.
Фото: Ола администраций.
