Козьмодемьянск федерал программыш пурен
Козьмодемьянск ола ЖКХ объектлам уэмдыме федерал программыш пурен. Российын Правительствыже 60 процентлан шолыргышо коммунал инфраструктурын объектлажым модернизироватлаш программын ныл пилот проектшым шыҥдараш ик миллиардат 200 миллион теҥге оксам ойыраш пунчалын. Тидын нерген Российысе чоҥымаш министр Владимир Якушев Россий кӱкшытан Вӱд конгрессыште увертарен. Пилот ола- влак коклаште Козьмодемьянскат уло. Федерал оксам коммунал объектлам капитально олмыкташ, кредитын процент ставкыжым пӧртылташ, объектлам пужен ышташ концессионерын кучылтмо оксажым пӧртылташ ойыралтеш. Правил почеш модернизироватлыме деч вара эксплуатацийыш налме объект- влакын погыштлан налог шотышто льгота пуалтеш,- увертара ТАСС.
