Кугурак тукымлан ГТО комплексын фестивальже лиеш
Шушаш рушарнян Йошкар-Олаште кугурак тукымлан «ГТО- кужу ӱмырыш корно» Россий кӱкшытан ГТО комплексын республикысе фестивальже лиеш. Фестивальыш медицине допускан, ГТО сайтыште регистрацийым эртыше кугу ийготан еҥ- влак ушнат. Тергымаш- влак ГТО-н ийгот шот дене ступеньже дене келшышын личный зачётышто эртат. Нуно пневматик винтовко гыч лӱйкалат, кирам нӧлтат, вер гыч кужытыш тӧрштат, турникыште нӧлталалтыт, мӱшкыр чогашылым тергат да молат. Регистраций 13-шо декабрьыште 9 шагат гыч тӱҥалеш. Йодышым 30-48-28 номеран телефон дене рашемдыман.
