Куженер кундемыште у газ пучым чоҥат
«Газпром газораспределение Йошкар-Ола» компанийын филиалжын специалистше- влак Шернур посёлкышто Куженер районысо Васалай ялыш кайыше распределительный газпучышто чоҥымо да монтаж пашам тӱҥалыныт. Ик меҥгат 300 метр кужыт пучым газым ситарымылан посна ешарен тӱлымӧ окса кӱшеш чоҥат. Тиде газификацийын кокымшо йыжыҥже. Икымше йыжыҥыштыже Васалай, Памашнур, Шӱдымарий, Тошто Йӱледӱр, Пургак, Агытансола, Йӱледур илемла деке шупшмо ыле. Тудым Газпромын газификаций программыж кӱшеш чоҥымо. Кызыт чоҥымо пуч Васалайыште 32 пӧртыш газым пурташ йӧным пуа. Пашам ноябрьыште мучашлышаш улыт. Тыгак лишыл жапыште Тошто Йӱледӱрыш разпределительный газ пучым чоҥаш тӱҥалыт. Тудо кум меҥге утла шуйна да 62 суртыш канде тулым конда. Ушештарена: республикыште газификацийын кӱкшытшӧ 89 процентым эртен, а ял кундемлан 77 утла процентшым газ дене авалтыме.
