Кырык сирысе вич ялыш вес ийынак канде тул толшаш

Кырык сирысе вич ялыш вес ийынак канде тул толшаш
Марий Элысе общероссийский калык фронтын пашаш ушнымыжлан кӧра Курык марий районысо икмыняр ялыш газ кок ийлан ондакырак толеш. Ольокансир, Изиксола, Варашангыр, Санук, Пертюк яллашке 2020-шо ийыште газым пуртат. Посёлкыла кокласе газпучым чоҥаш аукционым ОНФ-ын правительствыш йодмаш дене лекмыж деч вара увертарыме. Эше 2012-шо ийыштак «Сануковский» кооперативым ыштыме лийын. Тушко 102 сурт-пече пурен. Кум ий жапыште верысе калык газым пурташ чыла кӱлешан пашам шуктен, 6 миллион наре теҥге оксам кучылтын. Лач 7 меҥге кужытан кугу куатан газпучым гына шупшаш кодын. Но республикысе программыш 2022-шо ийлан гына пуртеныт. Кодшо кечылаште чоҥымаш министерстве подрядчикым кычалеш манме увер савыкталтын. Пашан акше 19 миллион теҥге. Сомылым 2020-шо ий мучашлан ыштен шуктышаш улыт. Тидыже верысе калыкын кумылжым нӧлталын.

Прошлые выпуски