«Лӱдыкшыдымӧ автобус» операций эртаралтын
Февраль мучашыште республике мучко ныл кече жапыште «Лӱдыкшыдымӧ автобус» операций эртаралтын. Тиде жапыште тӱжем утла автобусым тергыме да водитель- влакын 230 гана корно правилым пудыртымыштым рашемдыме. Тушечын 50 нарыже лӱдыкшыдымылык ӱштым ӱшталме да калыкым шупшыктымо дене кылдалтын. 30 наре автобусын технический экшыкшым пален налме. Йошкар-Олаште икмыняр автобусын конструкцийышкыже ГИБДД-н разрешенийже деч посна вашталтышым пуртымо. Материалым транспортым регистраций гыч корандаш колтымо. 40 материалым юридический, должностной лица да амалкалче- влак шотышто тергаш возымо, должностной еҥ-влак шотышто ныл пашам тарватыме.
