Людмила Лебедева куштылго атлетике дене Юл кундем округын чемпионатыштыже сеҥышыш лектын
Людмила Лебедева куштылго атлетике дене Юл кундем округын чемпионатыштыже сеҥышыш лектын. Кум тӱжем метрыш куржмаште тудо икымше верым сеҥен налын. Новочебоксарск олаште леведышан пӧлемыште куштылго атлетике дене Юл кундем округын чемпионат ден первенствыже мучашлалтын. Таҥасымашын икымше кечынже кум тӱжем метрыш куржмаште ӱдырымаш- влак коклаште Йошкар-Ола гыч Людмила Лебедева эн ончыч толын. Марий Эл гыч тушто 26 спортсмен лийын. Чыла 14 округ гыч 625 спортсмен медаль- влакым модын налмаште участвовтален.
