Морко-Уньжинский автомобиль корнышто олмыктымо паша мучашыш лишемеш

Морко-Уньжинский автомобиль корнышто олмыктымо паша мучашыш лишемеш
Морко районышто «Лӱдыкшыдымӧ да сай качестван автомобиль корно- влак» проект кышкарыште Морко-Уньжинский автомобиль корнышто олмыктымо паша умбакыже шуйна. Кум меҥге наре кужыт корным олмыкташ 39 миллион утла теҥге окса кучылталтеш. Тушто йӱштӧ регенераций йӧным кучылтыт, корнын ӱлыл да кӱшыл ужашыжымат олмыктат, вӱд йогаш пыштыме пучымат эрыктат, корно ушнымо вер-влакымат тӧрлат, корно палым, стойкым, 35 сигнал меҥгым вераҥдат, корно разметкым ыштат. Таче кечылан 95 процент пашам шуктымо. Лач корно палым, сигнал меҥгым, разметкым ышташ кодын. Корнын кумдыкшо куд метр лиеш. Пашам 23-шо августышто мучашлышаш улыт.

Прошлые выпуски