Марий Эл гыч изобретатель- влак Тӱнямбал «Архимед» салонын наградыжым налыныт
Марий Эл гыч изобретатель- влак Тӱнямбал «Архимед» салонын наградыжым налыныт. «Юлтехын» сотрудникше- влак Москошто изобретений да у технологийын «Архимед-2021» 24-ше Тӱнямбал Салонышто шке у разработкыштым ончыктымыштлан кӧра, тӱнямбалнат палыме лийыныт. Нунын «Оператор- влакым профессионал ямдылыме интеллектуал системышт» экспертизын акше почеш, Салонын шӧртньӧ медальжым сеҥен налын. ПГТУ-н эше ик проектше ший медаль дене палемдалтын. Тудыжо чоҥештылше аппарат дене чодыра пожарым йӧртымӧ дене кылдалтын. А чодыра материаллан ленточнопильный станокым ыштыше- влак той медальым налыныт. Тиддеч посна Юлтехын специалистше- влак кок ший да ик шӧртньӧ «Созидатель» орденым сеҥен налыныт.- увертара вузын пресс-службыжо. Поро йӱла семын «Архимед» салоныш йотэл эксперт- влакат толыт. Нуно Марий Эл гыч у проект- влакымат тӱткыш деч посна коден огытыл. Мутлан, Юлтехын ик разработкыжлан нуно Белградысе изобретатель- влак ассоциацийын дипломжым кучыктеныт. «Архимедыште» ончыктымо 80 процент проект- влак производствыш шыҥдаралтыт.
Фото: https://www.marpravda.ru/
Фото: https://www.marpravda.ru/
