Марий Эл Куйбышев районысо школ ден йоча сад- влаклан атышӧрым налын ситарен
Марий Эл Куйбышев районысо школ ден йоча сад- влаклан атышӧрым налын ситарен. Тудым коммунал службо- влаклан кучыктымо «КамАЗ» дене пырля намиеныт. Йоча тӧнеж- влаклан республике куд тӱжемат 500 единице атышӧрым налын: икымше ден кокымшо блюдылан янда да фарфор тарелкам, кружкам, стаканым, совла, вилке, кӱзым. Ондакырак Марий Эл гыч бригаде школ да йоча садлан пищеблокыштым олмыкташ полшен ыле, ынде нуно тӱрысынек укомплектоватлыме лийыт.
Республикын чоҥымаш, архитектура, илыме вер да коммунал озанлык министр Наталья Ошланова паша дене шефыш налме Куйбышев районыш миен. Тудо муниципал округын администрацийжым вуйлатыше да коммунал службылан начальникышт дене совещанийым эртарен. Погынымаш деч вара да объектлам ончымеке Наталья Витальевна администрацийым вуйлатыше Кирилл Беловлан коммунал кӱлешлыклан «КамАЗ» негызеш ыштыме кран да манипулятор установко деч сравочым кучыктен. Министрын мутшо почеш коммунал автопарк умбакыжат пойдаралташ тӱҥалеш.
Фото: Куйбышев район администраций.
Республикын чоҥымаш, архитектура, илыме вер да коммунал озанлык министр Наталья Ошланова паша дене шефыш налме Куйбышев районыш миен. Тудо муниципал округын администрацийжым вуйлатыше да коммунал службылан начальникышт дене совещанийым эртарен. Погынымаш деч вара да объектлам ончымеке Наталья Витальевна администрацийым вуйлатыше Кирилл Беловлан коммунал кӱлешлыклан «КамАЗ» негызеш ыштыме кран да манипулятор установко деч сравочым кучыктен. Министрын мутшо почеш коммунал автопарк умбакыжат пойдаралташ тӱҥалеш.
Фото: Куйбышев район администраций.
