Таче тӱвыра пашаеҥын кечыже палемдалтеш

Таче тӱвыра пашаеҥын кечыже палемдалтеш
              Таче тӱвыра пашаеҥын кечыже палемдалтеш. Республикысе тӱвыра да сымыктыш пашаеҥ- влакым, отрасльын ветеранже- шамычым Республикым вуйлатыше, Правительстве председатель Юрий Зайцев профессионал пайремышт дене саламлен. Тендан талантда да пашаланда кӧра Республикын тӱвыра илышыже поянрак, волгыдырак лиеш, шӱм-чон поянлык переген аралалтеш, у талант- влак почылтыт. Марий Эл Республике сылне тӱвыра илыш дене ила: ятыр фестиваль ден пайрем, конкурс, фольклор мероприятий, кугу концерт программе- влак эртаралтыт. Тӱвыра аланым вияҥдымаш ончылно шогышо ик кугыжаныш задаче улеш «Тӱвыра» калыкле проект кышкарыште йоча сымыктыш школ ден ялласе тӱвыра пӧрт- влак капитально олмыкталтыт, моделян книгагудо- влак почылтыт, семым туныктымо тӧнеж- влакын базышт уэмеш, куснылшо автоклуб- влакым налме. Тендан профессионализмланда, калыкым патриотизм да шӱм-чон яндарлык шӱлышеш шуарымыланда, тӱвыра да шинчымашым шарыме эн чапле йӱла- влаклан ӱшанле улмыланда тау,- ойлалтеш Республикым вуйлатыше Юрий Зайцевын саламлымашыштыже.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски