Марий Элыште элнан сарзе историйжым ончыктышо эн сай тоштерым ойырат
Марий Элыште элнан сарзе историйжым ончыктышо эн сай тоштерым ойырат. Республикыштына «Ачамландым аралыше- влакым шарнымашеш кодымылан пӧлеклалтше эн сай тоштер- (тоштер экспозиций)» конкурс эрта. Тудо Юл кундем округын «Ачамландын Геройжо- влак» мер проект кышкарыште эртаралтеш. Конкурсышко республикын да элнан сарзе историйжым ончыктышо, элым аралыше- влакын подвигыштым почын ончыктышо, сар жапысе ойыртемалтше экспонат- влакым ончыктышо тоштер- влак участвоватлат. Икымше муниципал йыжыҥже 29-ше март марте шуйна. Республике кӱкшытан заочный кокымшо йыжыҥже икымше апрель гыч 15-ше июнь марте эртаралтеш. Кумшо йыжыҥыште- июль-августышто ПФО-н регионысо конкурс комиссийын пашаже тӱналеш.
Фото: А.В. Григорьев лӱмеш сӱрет да историй тоштер (архив).
Фото: А.В. Григорьев лӱмеш сӱрет да историй тоштер (архив).
