Шернур тоштерыште Моско гыч уна-влак лийыныт

Шернур тоштерыште Моско гыч уна-влак лийыныт

Шернур тоштер-ончер комплексыште Моско гыч уна-влак лийыныт. Тушко Ломоносов лӱмеш кугыжаныш университетын историй факультетшын этнологий кафедрыжын студентше-влак толын коштыныт. Тиде нунын кеҥежымсе практикышт. Вуйлатышышт историй шанче кандидат Герман Устьянцев тиддеч ончыч Шернур тоштерыште лийын. Тудо вич ий почела кандидатлык диссертицийжылан материалым погаш марий-влакын тӱшкан илыме верлашкышт лектеден. Тыге 2020-шо да 21-ше ийлаште Шернурышкат пурен. Кызыт ынде студентше-влак тудын пашажым шуят. Тоштер пашаеҥ-влак нунылан марий калыкын историйже да тӱвыраже нерген каласкаленыт, экскурсийым эртареныт.

Прошлые выпуски