Марий Элым вуйлатыше каласен: кеч-кушто лийыт гынат- тунемме частьыште але сар кайыме верлаште- мый мемнан рвезе- влак верч мутым кучем

            Марий Элым вуйлатыше каласен: кеч-кушто лийыт гынат- тунемме частьыште але сар кайыме верлаште- мый мемнан рвезе- влак верч мутым кучем. Социал вотышто шке лаштыкыштыже Юрий Зайцевлан уверым возышыжла Мария Черёмина шомакшым тыге мучашлен: мыйын обращением тӱткыш деч посна ок код манын пешак ӱшанем. Чынжымак, ӱдырын возымыжо тӱткыш деч посна кодын гына огыл, тудо да эше мобилизоватлыме еҥ- влакын ныл пелашашт да ака-шӱжарышт дене Марий Элым вуйлатыше вашлиймашым эртарен. Мутат уке, кажне возышо дене вашлияш ок лий, но тендан возымыдам лудын лекмеке, тендам ӱжым. Мобилизаций дене мо кылдалтын гын, ме чыла терген шогена. Боец- влаклан да ешыштлан полшымаш- эн кӱлешан. Ме ужына: лишыл еҥ- влак шке пӧръеҥышт верч тургыжланат, полшаш тыршат. Меат шке велымна полшаш тыршена,- каласен Республикым вуйлатыше.
            Тудо Ульяновск областьысе частьыш мийымыже, правительствын ыштыме полышыжо, еш- влаклан социал полышым пуымо нерген каласкален. Военнослужащий- влаклан малыме мешак, бензогенератор, тепловой пушка, квадрокоптер, раций, шокшо вургем, кокчкыш, чоҥышаш материал да шуко молат колталтеш манын. Ешаштланат ятыр социал полышым ямдылыме. Тидым колмеке, ӱжмӧ ик ӱдырамаш социал няня полышым пуаш йодын, а вес военнослужащийын шӱжарже изажлан военный кӱлешлыклан икмыняр сату дене полшаш йодын. Йодышым верыштак виктарен колтымо. Мый рвезына- влак верч мутым кучем. Сандене могай йодыш уло- увертарен шогыза,- каласен республикым вуйлатыше.
             Фото: Марий Элым вуйлатышын организаций да аналитик виктемже.

Прошлые выпуски