Марий Элым вуйлатыше вучыдымо ситуаций лекме годым калыкым аралаш республикысе объект- влакын ямде улмыштым терген
Марий Элым вуйлатыше вучыдымо ситуаций лекме годым калыкым аралаш республикысе объект- влакын ямде улмыштым терген. Теҥгече Юрий Зайцев виктем орган, граждан оборонын, вучыдымо ситуацийым шижтарыме да кораҥдыме кугыжаныш системын республикысе подсистемыжын вийышт дене эртарыме командно-штабной тунеммаште участвоватлен. «Марий Эл» Арена» спорткомплекс воктене аварийно-утарыме пашаште кучылтмо спецтехникым ончен. Тыгак тудо лӱдыкшым кораҥдыме Правительство комиссийын куснылшо виктарыме пунктыштыжо лийын, Медведево районышто Куяр кыдалаш школышто ыштыме 150 еҥ пурыман калыкым жаплан вераҥдыме пунктым терген лектын. Правительство вуйлатышын алмаштышыже Степан Воронцов увертарен: пунктын помещенийже- влак тӱрыс ямде улыт, калыкын илышыжым аралаш виктаралтше раш план уло. Кӱлеш лиеш гын, калыклан медицина да социал полыш пуалтеш, шокшо кочкыш дене пукшат. Лӱдыкшӧ улмо годым пунктым кум шагат жапыште пӱтынек ямдылен шуктат.
Граждан оборона дене тунеммашке мланде йымалсе аралтыш- влакым тергымашат пурен. Республикым вуйлатыше Звенигово оласе убежищыште лийын, моло аралтыш- влакын могай улмыштымат каҥашен. Тудо палемден: калыкым аралымаш- кӱлешан паша. Сандене аралтыш, жаплан вераҥдыме пункт, убежище, вий ден йӧн- влак эре ямде лийшаш улыт. Тыгай тунеммаш пайдале, манын тудо. Кызытсе жапыште чыла тиде ямде лийшаш. Ситдымашым ужым, паша фронтым рашемдышым. Южо объектым совет жап годсек олмыктымо огыл. Сандене чыла шотыш кондыман-, каласен Юрий Зайцев.
Фото: Марий Элым вуйлатышын организаций да аналитик виктемже.
Граждан оборона дене тунеммашке мланде йымалсе аралтыш- влакым тергымашат пурен. Республикым вуйлатыше Звенигово оласе убежищыште лийын, моло аралтыш- влакын могай улмыштымат каҥашен. Тудо палемден: калыкым аралымаш- кӱлешан паша. Сандене аралтыш, жаплан вераҥдыме пункт, убежище, вий ден йӧн- влак эре ямде лийшаш улыт. Тыгай тунеммаш пайдале, манын тудо. Кызытсе жапыште чыла тиде ямде лийшаш. Ситдымашым ужым, паша фронтым рашемдышым. Южо объектым совет жап годсек олмыктымо огыл. Сандене чыла шотыш кондыман-, каласен Юрий Зайцев.
Фото: Марий Элым вуйлатышын организаций да аналитик виктемже.
