Рвезе- влак Тула олаште лӱйкален сеҥышыш лектыныт
Марий Эл гыч рвезе- влак Тула олаште лӱйкален сеҥышыш лектыныт. Кодшо кечылаште Тулаште пневматик пистолет гыч лӱйкалымаш дене Российын чемпионатше эртен. Тиддеч посна 11-15 ияш спортсмен- влаклан Россий кӱкшытан таҥасымаш лийын. Марий Эл гыч рвезе- влак чапле лектышым ончыктеныт да наградым налыныт. Таҥасымашыште элысе 34 регион гыч 300 утла спортсмен вийжым терген. Личный зачётышто икымше верыш Виктор Игнатьев лектын, а Артём Хлебников кумшо верлан медальым налын. Командный зачётышто Марий Элын сборныйжо кокымшо верыш лектын. Сайын лӱйкалымашым Виктор Игнатьев, Артём Хлебников, Дмитрий Шмидт, Никита Поляков ончыктеныт. Виктор Игнатьев ден Артём Хлебников тыгак кокымшо да кумшо верым дуэль семын лӱйкалымаште сеҥен налыныт.
Фото telegra.ph.
Фото telegra.ph.
