Марий Элым вуйлатыше шефыш налме Куйбышев районыш миен
Кок регионын кучем органыштын пырля ыштыме пашашт инфраструктурым тӧрлаш, да сай йӧныштӧ калыклан илаш, тунемаш да пашам ышташ йӧным пуа. Куйбышев район администрацийын еҥышт да верысе калык дене пырля социал сферыште да илыме вер ден коммунал озанлык сферыште гына огыл, лийшаш сайлымашыштат кок регионын пырля ыштышаш пашашт дене кылдалтше шуко йодышым каҥашыме. Актив дене вашлиймашыште калыклан мо кӱлешаным, могай ресурс ок ситым пален налме. Марий Элым вуйлатыше ушештарен: у тунемме ий вашеш Республикын правительствыже тусо школлашке тунемме книгам, мебельым, оборудованийын налын намиен кодаш шона. Шефыш налме кумдыкышто школлам вуйлатыше- влаклан август мучашыште республикысе тунемме тӧнеж- влак негызеш августысо форум кышкарыште методик мероприятий- влакым эртарена, - каласен Юрий Зайцев. Куйбышев район администрацийын еҥже- влак Марий Элым вуйлатышылан транспортым налмылан тауштеныт. Таче кечылан Марий Элын шефыш налме районжо гына коммунал службылан тыгай полыш дене моктанен кертеш,- палемденыт вашлиймашыште. Вашкыл нерген соглашенийым шыҥдарыме йодышым Запорожский областьын Губернаторжын икымше алмаштышыже Сергей Толмачёв ден вашлиймашыштыже каҥашыме. Юрий Зайцев палемден: областьын правительствыже дене пырля школлаште, эмлыме верлаште, йоча садлаште олмыктымо паша кая, оборудований налалтеш. Марий Эл гыч подряд организаций миен. Мый Куйбышев районыш кокымшо гана толынам, вашталтышым ужын шогем. Кокытеланымаш уке: шындыме цельыш ме шуына.- каласен республикым вуйлатыше.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
