Республикыште кугу таул мардеж ден тале йӱр кугу эҥгекым кондышт
Эртыше шуматкечын да тудын вашеш республикыште таул мардеж ден тале йӱр эртыш. Тудо кугу эҥгекым конден. Поснак Яльчик да Таир ерла воктене кугу азап лийын. Яльчик ер воктене палаткан лагерьыште туткарыш Татарстан республике гыч толшо еҥ- влак логалыныт. Палаткышт ӱмбак пушеҥге- влак сӱмырленыт. Кандаш еҥ ӱмыр лугыч лийын. Нунын коклаште- кум йоча, иктыжлан эше ик ият темын огыл. Таир ер воктене кок еҥ эмганен. Республикыштына эмганыше- влаклан полыш пуалтеш, олмыктымо паша шуйна. Лу еҥ эмлыме верыште улеш, иктыже йоча. Кокышто нелын эмганен. Тыгак автомобиль- влак лунчыргеныт. 162 илемыште электроснабженийым тӧрлымӧ, тулым пуымо. Шап, Таир, Яльчик ерлаште икмыняр санаторий ден лагерьыште электроэенергий уке ыле, дизель генератор дене пашам ыштеныт, но лишыл жапыште чыла тӧрлен шукташ сӧреныт.
Яльчик ер воктене еҥ- влакын колымышт шотышто уголовный пашам тарватыме. 29-ше гыч 30-шо июльыш йӱдым «Марий чодыра» паркыш пурышо Изи ден Кугу Яльчик ер воктене палаткан лагерь кумдыкым сӱмырлышӧ пушеҥге деч эрыктымеке, шым еҥын капшым мумо, кумытшо изи йоча улыт. Эше ик еҥже эмлыме верыште ӱмыр лугыч лийын. Следствий комитет калыкле паркын вуйлатышыже- влакын калыкын илышыже да тазалыкшылан лӱдыкшыдымылык йодмашлан келшен толдымо полышым пуымыжлан уголовный пашам тарватен. Следствий виктемын пашаеҥже- влак туткар лийме верым ончен лектыныт, суд да медицина экспертизе- влакым эрараш палемдыме, кузе лиймым ужшо- влакым рашемдат.
Яльчик ер воктене таул мардежлан кӧра колышо да эмганыше- влакын ешыштлан окса компенсацийым тӱлат. Тидын нерген Марий Элым вуйлатышын Телеграм-каналыштыже увертарыме. Ушештарена: сӱмырлышӧ пушеҥге- влаклан кӧра 21 еҥ эмганен, кандаш еҥ, кумытшо –йоча, ӱмыр лугыч лийыныт. Эмлыме верыш 17 еҥым пыштыме ыле, кокытшо- йоча. Колышо да эмганыше- влакын ешыштлан окса компенсацийым тӱлаш пунчалме. Ешыштлан шке чаманымашем да ойганымашем каласем,- волымо республикым вуйлатышын телеграм-каналыштыже.
Фото: Марий Элым вуйлатышын администрацийжын увер дене пашам ыштыше пӧлкаже.
Яльчик ер воктене еҥ- влакын колымышт шотышто уголовный пашам тарватыме. 29-ше гыч 30-шо июльыш йӱдым «Марий чодыра» паркыш пурышо Изи ден Кугу Яльчик ер воктене палаткан лагерь кумдыкым сӱмырлышӧ пушеҥге деч эрыктымеке, шым еҥын капшым мумо, кумытшо изи йоча улыт. Эше ик еҥже эмлыме верыште ӱмыр лугыч лийын. Следствий комитет калыкле паркын вуйлатышыже- влакын калыкын илышыже да тазалыкшылан лӱдыкшыдымылык йодмашлан келшен толдымо полышым пуымыжлан уголовный пашам тарватен. Следствий виктемын пашаеҥже- влак туткар лийме верым ончен лектыныт, суд да медицина экспертизе- влакым эрараш палемдыме, кузе лиймым ужшо- влакым рашемдат.
Яльчик ер воктене таул мардежлан кӧра колышо да эмганыше- влакын ешыштлан окса компенсацийым тӱлат. Тидын нерген Марий Элым вуйлатышын Телеграм-каналыштыже увертарыме. Ушештарена: сӱмырлышӧ пушеҥге- влаклан кӧра 21 еҥ эмганен, кандаш еҥ, кумытшо –йоча, ӱмыр лугыч лийыныт. Эмлыме верыш 17 еҥым пыштыме ыле, кокытшо- йоча. Колышо да эмганыше- влакын ешыштлан окса компенсацийым тӱлаш пунчалме. Ешыштлан шке чаманымашем да ойганымашем каласем,- волымо республикым вуйлатышын телеграм-каналыштыже.
Фото: Марий Элым вуйлатышын администрацийжын увер дене пашам ыштыше пӧлкаже.
