Республикыштына 2024-ше ий икымше сентябрьлан кок у школ почылтшаш

Республикыштына 2024-ше ий икымше сентябрьлан кок у школ почылтшаш
           Республикыштына 2024-ше ий икымше сентябрьлан кок у школ почылтшаш. Школым чоҥымо паша нерген Республикым вуйлатыше Юрий Зайцевлан туныктыш министр Лариса Ревуцкая увертарен. У зданий- влакым рӱдӧ оласе «Восточный» микрорайонышто да Медведево районысо Руэм посёлкышто нӧлтат. Кок школышто у вер- влакым ышташлан 2023-шо 2024-ше ийлан кок миллиард утла теҥге оксам кучылташ палемдыме. Кызыт министр Лариса Ревуцкаян мутшо почеш, «Восточный» микрорайонышто школын икымше пачашыже чоҥалтеш, кӱвар, пырдыжын тӱжвал гидроизоляцийже, подвалыште паша ышталтын, 15 процент пашам шуктымо. Тичмаш акше  ик миллиардат 280 миллион теҥге лиеш. Руэм посёлкышто свайым кырат, фундаментлан ямдылалтыт, южо верыштыже подвалын перекрытийжым ыштеныт да икымше пачашым нӧлтат. Объект 11 процентлан ямде. Тичмаш пашалан 812 миллион теҥгем палемдыме. Марий Элым вуйлатыше палемден: Руэм ден «Восточный» микрорайонлаште школ класс- влак утыждене темыныт. Сандене чоҥымо жапым шуйкалаш ок лий.  
             Фото: Марий Элым вуйлатышын администрацийжын увер дене пашам ыштыше пӧлкаже.

Прошлые выпуски