Марий Элын делегацийже Санкт-Петербургышто БРИКС-2025 тӱнямбал муниципал форумышто участвоватла
Йошкар-Ола мэрын пашажым шуктышо Антон Трудинов Марий Элын делегацийже радамыште Санкт-Петербургышто БРИКС-2025 тӱнямбал муниципал форумышто участвоватла. Делегацийым Республикын кӧргӧ политике министрже Антон Мирбадалев вуйлата. Форум кышкарыште поян деловой программым палемдыме. Тушко темтик сессий, йыргешке ӱстел, инвестиций проектлан презентацийышт пурат. Погынышо- влак кундемлам комплексно вияҥдыме, урбанистике, самырык политике, корно озанлык йодыш- влакым каҥашат. Эн кӱлешанже- муниципал кокласе проектлам шыҥдарымашым виктарыме пайдале модель- влак. Антон Трудинов социал вотлаште возен: Тиде кӱлешан событий. Тушто ме опыт дене вашла палдарен, моло муниципалитет дене ончыл практике дене икте-весым палымым ыштен кертына. Йошкар-Олалан тыгай мероприятийлаште лиймаш- кӱлешан корно. Молан манаш гын, налме шинчымаш да у компетенций- влак олам вияҥдымаште тӱрлӧ задачым пайдалын виктаращ, олам виктарымаште у йӧн- влакым шыҥдараш полшат.
Санкт- Петербургышто БРИКС форумышто Йошкар-Олалан кӱлешан ойпидышым кылдыме. Соглашений Марий ола ден Гатчина муниципал округ коклаште вашкыл нерген ышталтын. Тиде 2024-ше ийыште Марий Элым вуйлатыше ден Ленинград областьын губернаторжо Александр Дрозденкон тӱҥалме инициативым шуйымаш улеш. Вашкыл экономикыште, туныктымо пашаште, тӱвыраште, спортышто да туризмыште лиеш,- палемден Антон Трудинов.
Фото: А Трудинов.
Санкт- Петербургышто БРИКС форумышто Йошкар-Олалан кӱлешан ойпидышым кылдыме. Соглашений Марий ола ден Гатчина муниципал округ коклаште вашкыл нерген ышталтын. Тиде 2024-ше ийыште Марий Элым вуйлатыше ден Ленинград областьын губернаторжо Александр Дрозденкон тӱҥалме инициативым шуйымаш улеш. Вашкыл экономикыште, туныктымо пашаште, тӱвыраште, спортышто да туризмыште лиеш,- палемден Антон Трудинов.
Фото: А Трудинов.
