Марий Элыште лӱмын эртарыме сар операцийын участникше- влакым шарнымашеш кодымо паша умбакыже шуйна
Марий Элыште лӱмын эртарыме сар операцийын участникше- влакым шарнымашеш кодымо паша умбакыже шуйна. «Дружба» стадионысо Ий полатын пырдыжешыже Йошкар-Олаште шочшо, шорт-трек дене Российын спорт мастерже, ефрейтор Иван Денисов лӱмеш мемориал оҥам вераҥдыме. Тудым почмо церемоний боецын уке лиймыжлан кокымшо ийыш кайыме жапыште эртен. Тиде мероприятийыште Иванын лишыл еҥже ден йолташыже- влак, спорт министр Сергей Мухортов, депутат, «Ачамландым аралыше- влак» фондын марий филиалжым вуйлатыше Ренат Магсумов лийыныт. Кугыжаныш Погынын депутатше Ренат Магсумов патриотизм пашам чолган наҥгая. Кодшо арнян фондын марий филиалжын «Илаш» проектше кышкарыште тудо Юрино районыш миен. Шке коллегыже- влак дене пырля СВО-н участникше- влакын родо-тукымышт дене вашлийын, йодышыштлан вашештен. Пашажын кӱлешан ужашыже - самырык-шамыч дене кылым кучымаш. Ренат Магсумов ден кадр программын участникше Андрей Черепанов Параньга районысо Матародо школышто патырлык урокым эртареныт.
Фото: Марий Эл Кугыжаныш Погын.
Фото: Марий Эл Кугыжаныш Погын.
