Волжский районышто 138 миллион теҥгелан вӱд заборым чоҥат

Волжский районышто 138 миллион теҥгелан вӱд заборым чоҥат
             Волжский районышто 138 миллион теҥгелан вӱд заборым чоҥат. Купсола ялыште вӱдым ситарыме кӱлешан объектым умбакыже шыҥдарат. Тушто скважиным буритлен, вӱд пуч- влакым пыштен, вӱдыштӧ кӱртньым шагалемдыше станцийым вераҥден вӱдзаборым чоҥат. Тиде пашалан «Илашлан инфраструктура» калыкле проект почеш 138 миллион теҥгем ойырымо. Пашам вес ийын шошым мучашлаш шонат. Республикысе чоҥымаш, илыме вер да коммунал озанлык министерствыште увертарыме почеш, калыкле проект кышкарыште коммунал инфраструктуро объектлам пужен ыштыме, чоҥымо да капитально олмыктымо шотышто кандаш кугу мероприятийым палемдыме. Нуно вӱдын качествыжым саемдаш, сетьын пеҥгыдылыкшым кугемдаш да экологийым саемдаш вактаралтыныт. Объект- влакын тичмаш акышт ик миллиардат 500 миллион теҥгем эртат. Шукырак шийвундыжо федерал бюджет гыч толеш.
         Фото: Чоҥымаш министерстве.

Прошлые выпуски