Марий Элын паша да социал аралтыш министржылан Елена Таниковам шогалтыме
Марий Элын паша да социал аралтыш министржылан Елена Таниковам шогалтыме. Елена Сергеевна тачысе кече гыч шке пашажым тӱҥалын. Тиде должностьышто 2020-шо ий гыч Марина Островская тыршен. Тудо шке пашажым тений январьыште коден каен. Елена Таникова Россий президент пелен Марий Элын постоянный представительже Ольга Бадма-Халгаеван алмаштышыже лийын. А 2022-шо ийыште тудым Санкт-Петербургышто да Ленинград областьыште Марий Элын полномочный представительжылан пеҥгыдемдыме ыле. Тудо Палантай лӱмеш тӱвыра да сымыктыш колледжым скрипка класс дене тунем ыптарен, ПГТУ-што «Кугыжаныш да муниципал виктем» специальностьым налын, Российысе сымыктыш историй институым да Петрозаводскысо Глазунов лӱмеш консерваторийым тунем лектын. Российысе сем конкурслан лауреатше улеш.
Фото: Елена Таникован архивше.
Фото: Елена Таникован архивше.
