Оршанкыште канализаций сетьын аварийный ужашыжым олмыктат
Оршанкыште канализаций сетьын аварийный ужашыжым олмыктат. Республикым вуйлатыше Юрий Зайцев Правительствын резерв фондшо гыч вич миллион теҥгем Оршанке посёлкысо канализаций сетьым тӧрлаш ойырымо нерген распоряжениеш кидпалыжым пыштен. Крупин уремыште канализаций насос станций кундемыште вынем ден канализаций сетьын ужашышже мландыш чот волен шинчын да рокым шӱкен луктын. Тиде участке шуко пачеран 15 пӧртым обслуживатла да кокымшо микрорайонысо тӱжемат 800 еҥын кучылтмо вӱдшым йоктарен колташ йӧным ышта. Аварийный участкыште 65 метр кужыт пучым вашталтат, 5-6 метр келгытан у вынем- влакым вераҥдат да системым тӱрыс пашам ыштен кертшым ыштат. Пашалан вашке пижаш огыл гын, верысе калыклан да инфраструктурылан лӱдыкшӧ лектын кертше ыле. Лишыл жапыште пашам тӱналыт да лӱдыкшым кораҥдат. Пашам контрольышто кучем.- каласен республикым вуйлатыше Юрий Зайцев.
Фото freepik.com
Фото freepik.com
