Микрак школышто олмыктымо деч вара агрокласс почылтеш

Микрак школышто олмыктымо деч вара агрокласс почылтеш
              Микрак школышто олмыктымо деч вара агрокласс почылтеш. Кызыт тушто капитально олмыктымо паша кая. Таче кечылан чыла гаяк пу окнам вашталтыме. Тиде жапыштак кӱвареш плиткам оптат, вӱдлан да канализацийлан пучым пыштат. Электровоштырым вашке монтироватлен пытарат, южо классыште пижыктыман тувырашлан каркасым ыштат. Паша визит дене школыш Марий Эл Кугыжаныш Погыным вуйлатыше Михаил Васютин, Курык марий район администрацийм вуйлатыше Наталья Арганякова миеныт. Подрядчик дене тӱн йодыш- влакым каҥашеныт. Посна тӱткышым агрокласслан ойырымо. Ял озанлык министрын алмаштышыже Людмила Смирнова да Кугыжаныш Погынын депутатше, кресаньык-фермер озанлыкым вуйлатыше Сергей Ильин  дене пырля у тунемме кумдык шочшаш пӧлем- влакым ончен лектыныт. Агрокласс лишыл жапыште у оборудований дене пойдаралтеш. Подрядчикын палемдымыже почеш тений икымше сентябрьыште уэмдыме школ тунемше- влакым вашлиеш. Паша палемдыме жап дене келшышын шукталтеш да у туемме ийлан мучашлалтеш.
           Фото: МариМедиа.

Прошлые выпуски