Марий Элысе школ- влак у тунемме ийлан ямде улыт

Марий Элысе школ- влак у тунемме ийлан ямде улыт
               Марий Элысе школ- влак у тунемме ийлан ямде улыт. Республикысе туныктыш министерствыште эртыше семинарыште тунемме тӧнеж- влакын у тунемме ий тӱҥалмылан ямде улмыштым каҥашеныт. Роспотребнадзор виктемым вуйлатышын алмаштышыже Маргарита Окишева ден эпидемиологий надзор пӧлкам вуйлатыше Анна Сысоева тунемме тӧнеж- влакын санитар да эпидемиологий состоянийыштым тергыме да предписанийым шуктымо нерген ойленыт. Федерал программе кышкарыште тений 9 школым олмыкташ палемдыме. Тымарте 7 тӧнежыште пашам мучашлыме. 2025-ше-2026-шо тунемме ийыште 250 школ пашам ышташ тӱҥалеш. Тушечын 214-ше ик смене дене пашам ышта. Чыла школышкат вӱд толеш, канализаций, ырктыме системе уло. 223 школышто спорт зал пашам ышта, но 39 тӧнежыште тудым олмыкташ кӱлеш нерген предписаний уло. Медицина кабинет- влак 140 школышто улыт, кумытшым олмыктымо. Пукшашлан ойпидышым тергыме поставщик- влак дене кылдыме. Школ пашаеҥ- влак эре медицина тергымашым эртат
          Фото: Роспотребнадзор виктемын ВК-же.

Прошлые выпуски