Марий Эл правительствыште регионым социал-экономик велым вияҥдыме индивидуал программым шыҥдарымашын тӱҥалтыш лектышыжым иктешленыт
Марий Эл правительствыште регионым социал-экономик велым вияҥдыме индивидуал программым шыҥдарымашын тӱҥалтыш лектышыжым иктешленыт. Марий Элым вуйлатыше кугыжаныш программылам, калыкле проект- влакым да индивидуал программым тенийсе икымше пелийыште шыҥдарыме лектыш дене совещанийым эртарен. Индивидуал программым шыҥдарымаште шумо лектыш тудын пайдалыкшым ончыктен. Тений гыч 2030-шо ий марте у индивидуал программе пашам ышташ тӱҥалын. Программым шуктымо паша кузе кайыме нерген Юрий Зайцевлан промышленность, экономически вияҥмаш да торговля министр Владимир Халюзин увертарен. Тудын мутшо почеш республикысе промышленностьым вияҥдыме фондлан тӱрысынек оксам ситарыме, инвестиций фондыш оксам ойырымо, тыгак ял озанлык сатум лукшо- влаклан субсидийым пуымо. Таче кечылан чыла нине пашалан 850 миллион теҥгем колтымо. Тидыже план деч 100 процент лиеш. Тиддеч посна туризмын куатшым вияҥдаш Юриныште пассажир причалым чоҥаш контрактым ыштыме. Объектым 2027-ше ийын декабрьлан чоҥен шукташ шонат.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
