У Торъял районышто 330 миллион теҥгелан шӧр фермым чоҥат

У Торъял районышто 330 миллион теҥгелан шӧр фермым чоҥат
             У Торъял районышто 330 миллион теҥгелан шӧр фермым чоҥат. Марий Элым вуйлатыше Юрий зайцев социал вотлаште У Торъял районын сеҥымашыже- влак да ончыкыжым вияҥме планже нерген каласкален. Ял озанлык - районышто чолган вияҥше ик отрасль. Лишыл жапыште Шуйбеляк ялыште пашазе- влак 504 вуй вольыклан кызытсе жаплан келшыше шӧр фермым чоҥен пытарат. Проектыш 330 миллион теҥгем пыштыме. Фермым вес ий мучашлан пашаш колташ шонат. Тудо «Первый май» колхозым эшеат кугемда.
             Тиде жапыштак У Торъял школ- интернатыште капитально-олмыктымо паша мучашлалтын. Райрӱдыштӧ спорт площадке пашам ышташ тӱҥалын. Тушко шӱдӧ дене еҥ коштеш Спортым вияҥдаш тыгак у  физкультура да тазалыкым пеҥгыдемдыме комплекс полша. Тиде эше чыла сай паша огыл. Чӱксола тӱвыра пӧртыштӧ залым, коммуникацийым, фасадым олмыктымо. У Тръялысе тӱвыра да каныш рӱдерыште кинозалым уэмдыме, у оборудованийым да йӧнан кресле- влакым ешарыме. Сапаев лӱмеш йоча сымыктыш школым капитально олмыктымо паша умбакыже шуйна.
              Инфраструктурым уэмдымаштат шуко ышталтеш, кум тӱшка кумдыкым тӱзландарыме. Маркелово ял деке корным олмыктымо, Елымбай ял деке корным ончылгоч ыштыме, Шуй эҥер гоч кӱварым ачалыме, кызыт Ексейка эҥер гоч кӱварым пужен ыштат. Районышто тыгак тошто пӧртла гыч кусарыме еҥ- влаклан шуко пачеран пӧртым чоҥымо, догазификаций кышкарыште 16 меҥге утла кужыт пучым чоҥымо, Кузнецово, Шуйбеляк, Кугу Лумарий ялысе йоча садлашке газым пуртымо.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски