Марий Элыште 400 еҥым ИТ-специалистлан да крановщиклан уэш туныктеныт
Марий Элыште 400 еҥым ИТ-специалистлан да крановщиклан уэш туныктеныт. Паша да социал аралтыш министерстве «Занятостьлан полшышо чолга мера- влак» федерал проектым кодшо ийын кузе шуктымым иктешлен. Идалык мучко республике гыч 400 еҥ профессионал тунеммашым эртен але уэш тунем лектын. Проект паша рынкыште еҥ- влак таҥасен кертше специалист лийышт манын тырша. Участник- влак увер технологий сферыштат, пашаче специальность денат программым ойырен налын кертыныт. Утларакше мом ойырен налыныт? АйТи аланыште- программым ямдылышым, инженер-программистым, тестировщикым, аналитикым, искусственный интеллект дене специалистым. Пашаче профессий коклаште: ЧПУ станокын операторжо, автокранын машинистше, электрослесарь, тракторист, погрузчикын водительже, облицовщик-плиточник, ургызо паша йодмаш дене пайдаланеныт. Социал сферыште экскурсовод, изирак воспитатель, няня, ончаш полшышо, горничный пашалан тунемаш тыршеныт.
Фото freepik.com
Фото freepik.com
