Кунамсек ме Тошто У ийым палемдена?

Кунамсек ме Тошто У ийым палемдена?
              Тошто У ий нерген МариМедиа сайт оҥай уверым савыктен. Кумылан- влак Тошто У ийым эртыше йӱдым вашлийыныт. Таче тошто семын У ийын икымше кечыже. Тиде пайрем 1918-ше ийыште григориан календарьым пуртымеке шочын. Тиддеч вара юлиан календарь почеш икымше январь у григориан кечышот дене 14 январьлан тура толын.
               Молан вашталташ кӱлын? Мемнан эра марте 45-ше ийыште император Юлий Цезарь юлиан календарьым пуртен. Тудо ожнысо грек кечышот деч йӧнанрак лийын, но чын огыл улмаш, астрономий жап жеч вараш кодын. 128 ийыште шотлыдымо сутка- влак погыненыт. Икмыняр курымышто тыгай кечыже кок арняш погынен.                        Ситыдымашым кораҥдаш манын папа Римский 13-шо Григорийын пунчалже негызеш 1582-шо ий 4-ше октябрь гыч кугыжаныш- влак утларак чын григориан календарьыш куснаш тӱҥалыныт.
               А теве мемнан элыште у семын революций деч вара гына илаш тӱналыныт. Григориан календарьым Совнаркомын 1918-ше ий 26-шо январьысе декретше дене пуртымо. Тудын дене келшышын 1918-ше ийыште 31-ше январь деч вара вигак 14-ше февраль тӱҥалын. Тиде жап марте эше икмыняр уто кече погынымылан кӧра 14 кечым коден кайыме. Тыге лектын: Российысе калык 31-ше январьыште малаш возын да 14-ше февральыште гына помыжалтын.
         Фото: Йошкар-Ола администраций.

Прошлые выпуски