Кушто лумым шупшыктат да корно петырыме?
Йошкар-Олан рӱдыштыжӧ лумым шупшыктымылан кӧра корным жапын-жапын транспортлан умбакыже петырат. Чарымаш тӱшка транспорт деч посна моло чыла транспортлан 22 гыч 7 шагат эр марте пурталтеш. Мутлан, Советский уремыште Вашский деч Йошкар Армий урем марте ужашыште таче кас гыч эрла эр марте, 14 –ше гыч 15-ше, 15-ше гыч 16-шо, 16-шо гыч 17-ше январь марте йӱдым транспорт коштын ок керт. Пушкин уремыште Первомай деч Вознесенский урем марте ужашыште да Гоголь уремыште Волков деч Вознесений урем марте ужашыште таче йӱдым петыралтеш, Йошкар Армий уремыште Первомай деч Машиностроитель урем марте кужытышто, таче йӱдым, 14-ше гыч 15-ше, 15-ше гыч 16-шо январь марте йӱдым транспортлан корным петырат.
Фото: Йошкар-Ола мэрий.
Фото: Йошкар-Ола мэрий.
