Республикысе калык пу пӧртым чоҥаш кумылан
Республикысе калык пу пӧртым чоҥаш кумылан. Эртыше ийын республикыште тӱжемат 848 посна пӧртым чоҥымо да кадастр учётыш шогалтыме. Пӧртлан тӱшка кумдыкышт 265 тӱжем квадрат метрыш погынен. Росреестр виктемын ончыктымжо почеш калык утларакшым кермыч дене пӧртым нӧлта. Тиде материал гыч 600 илыме верым шӱдӧ тӱжем квадрат метр кумдыкым чоҥымо. Кокымшо верыште пушеҥге материал улеш Тиде жапыште 50 тӱжем квадрат метр кумдыкан 450 пу пӧртым чоҥымо. Моло пӧртшым тӱрлӧ материалым кучылтын ыштыме. Шке пӧртым чоҥымаште Медведево район ончылно кая. Тенийсе кок тылзыште гына 25 тӱжем квадрат метр илыме верым учетыш шогалтыме. Кокымшо верыште 7 тӱжем квадрат метр дене Йошкар-Ола улеш, кумшо верыш 6 тӱжемат 300 квадрат метр дене Звенигово район лектын.
Фото: Архив.
Фото: Архив.
