Марий Эл догазификаций программым сайын шыҥдарен толеш
Марий Эл догазификаций программым сайын шыҥдарен толеш. Теҥгече Марий Элым вуйлатыше Юрий Зайцев видеоконференций йӧн дене газификаций шотышто федерал штабын заседанийыштыже участвоватлен. Тудым Россий Правительстве председательын алмаштышыже Александр Новак эртарен. Погынышо- влак 2024-ше ийыште догазификаций программым шыҥдарыме, Президент Владимир Путинын Посланийыште ойлымо садлашке газым пуртымо йодыш- влакым шуктымо нерген ойлымо, Тыгак 2021-ше 2023-шо ийлаште газым пуртымо пашам иктешлыме. Марий Элыште догазификаций программыш ушнаш калык деч 597 илем гыч куд тӱжемат 596 йодмашым налме. Тиде пашам шуктымо рейтингыште Марий Эл 74 субъект коклаште кокымшо верым налеш. 2021-ше 2023-шо ийлаште 200 меҥге газ пучым шупшмо. Тидыже 30 ялыш газым пурташ йӧным ыштен.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
