Марий Элыште олтымо тургым октябрьын икымше кечылаже гыч тӱҥалеш
Марий Элыште олтымо тургым октябрьын икымше кечылаже гыч тӱҥалеш. Тиде тургымлан 99,9 процент шуко пачеран пӧртым, чыла 848 социал кӱлешан объект (школ, эмлыме вер, йоча сад- влак), 523 котельный, 100 процент шокшо, вӱдпуч да канализаций сетьым ямдылыме. Тидын нерген Марий Элым вуйлатыше Юрий Зайцевлан социал сферым шыже-телылан ямдылыме нерген совещанийыште увертарыме. Регионым вуйлатыше чыла ямдылалтме пашам жапыштыже мучашлаш кӱлеш манын палемден.
Ресурсым ситарыше организаций- влак топливым кондаш ойпидышым тургым мучко кылден шогат, молан манаш гын, аралаш чарымаш уло. Республикыште аварийым тӧрлышо 171 бригадым чумырымо. Тиде 560 еҥ да 240 технике. Чоҥымаш да ЖКХ министерстве негызеш аварийно-техник шапаш уло: 44 тӱрло материал ден оборудований. Эше кум блочно-модульный котельныйым, куснылшо дизель-генераторым, котельныйлан да вӱдым ситарыше да йоктарен колтышо объект- влаклан комплект оборудованийым налаш палемдыме.
Илышлан кӱлешан объект- влаклан электротулым ситарыше резерв источникым ситарыме- чылаже 541 единице. Куснылшо источник- влакым кӱлешлан тичмаш ситарыме. Посна контрольышто эше вич шуко пачеран пӧрт кодеш: Йошкар-Олаште, Волжскышто да Медведевыште. Нунын дене ямде улмо шотышто актым пеҥгыдемдыме огыл. Молан манаш гын, тушто капитально олмыктымо паша мучашлалтын огыл. Чыла объектыштат пашам мучашлылаш улыт. Пӧртлашке шокшо октябрь тӱналтышыште толшаш.
Фото: Марий Элым вуйлатышын администрацийжын увер дене пашам ыштыше пӧлкаже.
