Марий Элыште школ лесничестве- влакын Регион- влак кокласе кӱкшытан слётышт эртен

Марий Элыште школ лесничестве- влакын Регион- влак кокласе кӱкшытан слётышт эртен
              Марий Элыште школ лесничестве- влакын Регион- влак кокласе кӱкшытан слётышт эртен. Тудо тазалыкым пеҥгыдемдыме «Шап» комплексыште лийын. Тений слётышто республикысе 14 муниципал образований гыч школ лесничествын 64 еҥже да куд пошкудо кундем- Ульяновск, Киров область, Татарстан, Коми, Мордовий, Чуваш республикыла гыч 24 еҥ, тыгак Юлтехын студентше- влак  лийыныт. Икымше кечын «Чодырам уэш куштымаш, таксаций, чодырам аралымаш да оролымаш, чоныра шанче» сферылан опытан пашаеҥышт тунемме занятий- влакым, мастер-классым эртареныт, школ лесничествын еҥже- влак визиткыштым ончыктеныт. Кокымшо кечын «Чодыра многоборье» йыжыҥыште ӱдыр-рвезе- влак шке шинчымашыштым да моштымашыштым ончыктеныт. Иктешлыше кечын школ лесничествылан еҥыштлан «Чодырам арален кодена» пӱртӱсым аралыме шотышто практике акцийым эртарыме. Слёт «Шап» тазалыкым пеҥгыдемдыме комплексыште сеҥыше- влакым саламлыме да воктенысе кундемыште школ лесничестве- влакын аллейыштым шындыме. Сеҥышыш Куженер районысо Руш Шой школ лесничестве лектын. Кокымшо верым Медведево районысо Шойбулак кыдалаш школ ден Татарстанысе Арский районын Лесхоз кыдалаш школ налыныт. Кумшо  вер дене Морко районысо Унчо кыдалаш школ, Киров областьысе Яранск оласе Жарков лӱмеш кокымшо кыдалаш школ палемдалтыныт.
             Фото: Туныктыш министерстве.

Прошлые выпуски